Turqia do të vazhdojë të blejë naftë nga Irani

Ministri turk i Energjetikës dhe Resurseve Natyrore, Taner Yeldiz, deklaroi se Turqia nuk ka për qëllim t'i ndërpresë lidhjet energjetike me Iranin.

"Ankaraja do të vazhdojë të blejë naftë dhe gaz natyror nga Irani, edhe përkundër sanksioneve të vendosura kundër Teheranit nga ana e vendeve perëndimore", theksoi Yeldiz.

Ministri turk theksoi se Irani është njëri nga furnizuesit kryesor me naftë i Turqisë.

"Vitin e kaluar, 50 për qind nga vëllimi i përgjithshëm i naftë së importuar në Turqi ka qenë nga Irani, ndërsa sivjet kjo do të arrijë jo më pak se 40 për qind", shtoi Yeldiz.

Ai sqaroi se zvogëlimi i sivjetmë i dërgesave të naftës nga Irani nuk është e lidhur me sanksionet e vendeve perëndimore, e as rezultat i trysnisë nga ana e SHBA-së.

Shkak, sipas tij, është importi i filluar i naftës nga Libia, i cili nevojitet për normalizimin e situatës në këtë vend. Turqia ka nënshkruar marrëveshje për import për një milion tonë naftë nga Libia.