U aksidentua gjatë punës në minierën e Bulqizës, ndërron jetë administratori

Ka ndërruar jetë administratori i subjektit minerar të Theknës në Matanesh. Sipas informacioneve paraprake nga policia, bëhet me dije se 62-vjeçari S.K., gjatë kontrollit në frontin e punës, është aksidentuar dhe nuk ka mundur t’i mbijetojë dëmtimeve të marra.

“Më datë 04.11.2025, rreth orës 10:15, në një subjekt minerar në zonën e Theknës, Martanesh, dyshohet se gjatë kontrollit në frontin e punës është aksidentuar shtetasi S. K., rreth 62 vjeç, me detyrë administrator në këtë subjekt, i cili si pasojë e dëmtimeve të marra ka humbur jetën.

Në vijim të veprimeve, Policia ka shoqëruar disa persona të stafit drejtues dhe teknik të subjektit minerar, me qëllim sqarimin e plotë të rrethanave të ngjarjes.

Grupi hetimor, nën drejtimin e Prokurorisë, po vijon punën për dokumentimin e plotë të shkaqeve të ngjarjes”, thuhet në njoftimin e policisë.

/rtsh.al/