U aksidentua në aksin Korçë-Pogradec/ 42-vjeçari do niset drejt spitalit të Traumës

42-vjeçari Bledar Çeci nga fshati Zotilan, i cili u plagos në aksin Korçë-Pogradec, do të niset drejt spitalit të Traumës në Tiranë për mjekim të specializuar.

Policia bën me dije se 42-vjeçari duke drejtuar automjetin tip “BMW”, ka humbur kontrollin mbi drejtimin e tij dhe automjeti ka dalë nga rruga.

Maliq/Informacion paraprak

Më datë 29.06.2023, rreth orës 08:10, në aksin rrugor Korçë-Pogradec, në afërsi të fshatit Gurishtë, Maliq, shtetasi B. C., rreth 42 vjeç, duke drejtuar automjetin tip “BMW”, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë është dëmtuar drejtuesi shtetasi B. C., i cili pas ndihmës së marrë në spitalin e Korçës, do të transportohet në Tiranë për mjekim të specializuar.

Grupi hetimor po punon për përcaktimin e shkakut të daljes nga rruga.