U arrestuan nën dyshimin se fshehën të dhëna që inkriminonin Muçi Shaljanin, gjykata liron dy policët
Gjykata e Tiranës ka lënë të lirë dy policiët që u arrestuan nën dyshimin se fshehën të dhëna që inkriminonin Muçi Shaljanin për ti hapur rrugë rekrutimit të tij në Agjensinë e Mbikqyrjes Policore.
Gjykata Penale e Tiranës ka konkluduar se arrestimi i dy efektivëve të Komisariatit nr. 3, Bruno Cara dhe Arshim Zajmi, ishte i paligjshëm dhe ka vendosur të mos vendosë asnjë masë sigurimi ndaj tyre.
Ndërkohë, Prokuroria kishte kërkuar masat e sigurimit “detyrim paraqitje” dhe “ndalim të daljes jashtë vendit” deri në përfundimin e hetimeve.
AMP ndaloi më 12 nëntor, 2 punonjësit e policisë, të cilët dyshohet se në bashkëpunim kanë përpiluar Vërtetimin e Besueshmërisë në rekrutimin Muçi Shaljani pa pasqyruar në të, të dhënat të cilat përbëjnë shkak për cënimin e kushteve të sigurisë.
Shaljani ndërroi jetë paraditen e sotem teksa ndodhej në gjendje të rëndë në spitalin e Traumës pasi kishte marrë 10 plumba në trup.
Ai sapo ishte kthyer nga Spanja bashkë me mikun e tij Gilmando Dani kur ndaj automjetit me të cilin lëviznin u qëllua me breshëri plumbash.
Shënjestra e atentatit ishte Dani, i njohur si krahu i djathtë i Emiljani Shullazit.
LEXO EDHE: Pas atentatit në Rinas, zbulohet arsenal armësh dhe minash në Nikël