UT, kerkohen 100 pedagoge te rinj Luljeta Ndoka

Universiteti i Tiranes do te punesoje 100 pedagoge te rinj per vitin akademik 2010-2011. Lajmin e ka bere te ditur rektori i ketij universiteti, Dhori Kule, i cili ka treguar se UT po pergatitet vrullshem per nisjen me sukses te vitit te ri akademik. Me shume pedagoge nevojiten ne Fakultetin e Shkencave Natyrore e Sociale, ndersa shtesa jane kerkuar edhe nga Fakulteti i Infermierise.
Nevojat
Sipas Universitetit te Tiranes, nga analiza qe i eshte bere raportit pedagog/student, te dhenat per vitin e fundit referojne nje raport mesatar 1 pedagog per 30 studente. Ajo qe duan te arrijne departamentet eshte qe te ruajne dhe te arrijne nje raport te tille, duke shkuar ne 1 pedagog per 20 studente. Vec diskutimit te risive qe do te perfshihen kete vit ne politikat universitare, si implementimi i ligjit te arsimit te larte, tashme te ndryshuar, masa te tjera kerkohen per te pritur studentet e rinj. Edhe pse kete vit kuotat e pranimeve ne universitete ne pergjithesi dhe ne Universitetin e Tiranes ne vecanti nuk ishin te shumta, krahasuar me vitet e kaluara, perseri nevojitet shtim i stafit akademik. Behet fjale per rritje te stafit pedagogjik te pakten me 100 profesore te rinj. Konkretisht, shtimi i tyre eshte i nevojshem sidomos ne Fakultetin Ekonomik dhe Juridik. Me shume pedagoge kete vit duhen ne Fakultetin e Shkencave Natyrore e Sociale. Por jo vetem ne keto institucione, shtim te stafit eshte kerkuar edhe nga Fakulteti i Infermierise.
Avantazhet
Sikurse behet e ditur, avantazhe per t’u punesuar do te kene ata qe e kane kryer shkollen e larte si dhe specializimet e tjera pasuniversitare, ne universitetet me ne ze te vendeve te ndryshme perendimore. Sa me shume specializime dhe studime pasuniversitare, aq me shume mundesi do te kene per t’u punesuar keta kandidate. Pervec pedagogeve te brendshem, asistenteve e profesoreve te jashtem, nje tjeter pervoje eshte zbatuar vitet e fundit prane UT-se. Ashtu si vitet e kaluara,e dhe kete vit do te kontraktohen per lende e departamente te caktuara pedagoge te huaj. Ata do te japin leksione per studentet shqiptare, ne baze te programit te percaktuar nga vete strukturat universitare. Sipas UT-se, pedagoget te cilet punojne ne universitetet shteterore dhe jane perfshire edhe ne leksione jashte orarit zyrtar, pra kane pasur shtim ngarkese, duhet te marrin page me te larte.
Studentet nga trojet, ndryshon menyra e pranimit
Sipas rektorit te Universitetit te Tiranes Dhori Kule, per vitin e ri akademik do te hyjne ne fuqi rregulla te reja per pranimin e studenteve qe vijne nga trojet. Me konkretisht, nese me pare ata zgjidheshin nga Ministria e Arsimit, tani ata do te zgjidhen nga vete universitetet. Keshtu, ne vitet e kaluara, studentet perzgjidheshin qe ne vendin prej nga vinin, dhe kuotat u caktoheshin ne baze te marredhenieve dypaleshe mes ministrive perkatese. Ne universitetet tona pranohen studente nga Kosova, Mali i Zi, Lugina e Presheves dhe Bujanovcit. Me se shumti, ata preferojne dege si Gazetaria apo Mjekesia. Por krahas te rejave, viti i ri akademik, pritet te kete dhe probleme, sic eshte ai i kapaciteteve, i cili nuk do te ekzistonte nese do te kishte kampua.