Udhetimet, shqiptaret shpenzojne me shume para’ per jashte shtetit Eglantina Nasi
Shqiptaret, kane gjithmone e me shume deshire per te dale jashte vendit te tyre. Qofte per pushime, apo dhe per vizita te shkurtra ditore, udhetimet e tyre duket se jane shtuar e bashke me to, edhe shpenzimet qe qytetaret shqiptare realizojne jashte territorit vendas. Nje dukuri e tille rezulton nga te dhenat me te fundit qe Banka e Shqiperise ka publikuar ne lidhje me llogarine korrente ne euro dhe bilancin e pagesave te kryera gjate gjysmes se pare te ketij viti. Sipas te cilave, konkretisht, ne kete periudhe, shqiptaret qe kane kryer udhetime jashte vendit, kane shpenzuar nje total prej 465 milione eurosh. E klasifikuar si shifer negative kjo ne fakt, pasi rezulton se ka dale nga territori i vendit, dhe si e tille, edhe nga totali i parave qe qarkullojne brenda tij. Sakaq, nese e krahasojme kete tregues, me te njejtin gjate vitit te kaluar, rezulton se shqiptaret kane qene me “doreleshuar”. Sepse gjate gjysmes se pare te vitit te kaluar, totali i te tilla shpenzimeve per udhetime jashte shtetit, ka qene konkretisht ne nivelin e 421 milione eurove. Qe do te thote ne terma praktike se nga viti ne vit, ka nje tendence per shtim te parave qe shqiptaret i nxjerrin jashte vendit te tyre, permes udhetimeve qe kryejne ne vende te tjera. Por duket se nuk rezulton ne fakt e njejta tendence per parate qe futen ne vend, permes atyre qe kryejne udhetime nga jashte, per ne territorin e Shqiperise. Sepse te dhenat rezultojne qe nga 432 milione euro qe ata kane shpenzuar gjate 6-mujorit te pare te vitit te kaluar ne vendin tone, per te njejten periudhe gjate ketij viti, ky tregues ka qene vetem ne nivelin e 398 milione eurove. Cka flet per nje renie te ndjeshme te tyre. Madje, edhe po ta krahasojme me vleren qe ky tregues ka patur ne gjysmen e pare te vitit 2010, saktesisht 411 milione euro te shpenzuara nga te huajt brenda territorit te vendit tone. Duke folur keshtu per nje mosperputhje mes trendit te rritjes se shpenzimeve qe shqiptaret kryejne jashte vendit te tyre, me ato qe te tjeret kryejne ne vendin e tyre. Nderkaq, kujtojme se shifra me e madhe e parave qe shqiptaret kane derguar jashte vendit ka qene pikerisht ne vitin 2011, kjo e lidhur edhe me efektin e liberalizimit te bizave me vendet e Bashkimit Evropian.