Ushtarët ukrainas të kapur peng në fabrikën e çelikut në Mariupol dërgohen në burgjet e Moskës
Disa komandantë të batalionit Azov në fabrikën e çelikut në Ukrainë, të cilët u kapën peng, janë dërguar në qendrën e paraburgimit Lefortovo të Moskës
“Aktualisht, disa komandantë të Azov, të cilët u kapën robër gjatë betejave për Mariupol, janë dërguar në Lefortovo,” tha një burim për media ruse ‘TASS’.
Po sipas burimit, transferimi i tyre ne burgjet ruse po “bëhet për qëllime hetimore”
Më shumë se 1000 trupa ukrainase, të cilët u dorëzuan në Mariupol, janë transferuar në Rusi. Një burim tha për ‘TASS’ se më shumë se 100 trupa të zënë rob në fabrikën e çelikut Azovstal të Mariupolit, duke përfshirë mercenarë të huaj, mund të mbahen në Moskë.
Rusia aktualisht është duke bombarduar jugun e Ukrainës ku fokusi i saj është në rajonin e Dobasit. Sipas presidentit Zelensky edhe në atë rajon po kryen të njëjta masakra ndaj civilëve si në Bucha.
/rtsh.al/