V E N D I M PËR PËRCAKTIMIN E AUTORITETIT KONTRAKTUES PËR DHËNIEN E STATUSIT TË ZHVILLUESIT TË ZONËS EKONOMIKE NË SHKODËR, DHE MIRATIMIN E BONUSIT, NË PROCEDURËN PËRZGJEDHËSE KONKURRUESE, QË I JEPET BASHKISË SË SHKODRËS

V E N D I M 

 PËR

PËRCAKTIMIN E AUTORITETIT KONTRAKTUES PËR DHËNIEN E STATUSIT TË ZHVILLUESIT TË ZONËS EKONOMIKE NË SHKODËR, DHE MIRATIMIN E BONUSIT, NË PROCEDURËN PËRZGJEDHËSE KONKURRUESE, QË I JEPET BASHKISË SË SHKODRËS

Në mbështetje të nenit 100 të Kushtetutës, të pikës 4, të nenit 2, të ligjit nr.9789, datë 19.7.2007, “Për krijimin dhe funksionimin  e zonave ekonomike”, dhe të neneve 4, pika 1, shkronja “g”, 5, pikat 1 e 3, e 23, pika 3, shkronja “b”, të ligjit nr.9663, datë 18.12.2006, “Për koncesionet”, me propozimin e ministrit të Ekonomisë, Tregtisë dhe Energjetikës, Këshilli i Ministrave

V E N D O S I :

1.  Autoriteti kontraktues për kryerjen e procedurave ligjore, për dhënien  e statusit të zhvilluesit të zonës ekonomike, në Shkodër, është Ministria e Ekonomisë, Tregtisë dhe Energjetikës.

2.  Miratimin e bonusit prej 5 për qind të pikëve, për rezultatin ekonomik, financiar, teknik dhe mjedisor, në procedurën konkurruese përzgjedhëse (propozim i pakërkuar), që i jepet bashkisë së Shkodrës.
 
3.  Ngarkohet  Ministria e Ekonomisë, Tregtisë dhe Energjetikës për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA