V E N D I M PËR MIRATIMIN E PLANIT AFATMESËM TË VEPRIMIT TË PROGRAMIT “BRAIN GAIN”, PËR PERIUDHËN 2008-2009
V E N D I M
PËR
MIRATIMIN E PLANIT AFATMESËM TË VEPRIMIT TË PROGRAMIT “BRAIN GAIN”, PËR PERIUDHËN 2008-2009
Në mbështetje të nenit 100 të Kushtetutës, të neneve 21 e 27, të ligjit nr.8379, datë 29.7.1998, “Për hartimin dhe zbatimin e buxhetit të shtetit të Republikës së Shqipërisë”, të ndryshuar, dhe të nenit 11, të ligjit nr.9836, datë 26.11.2007, “Për buxhetin e shtetit, të vitit 2008”, të ndryshuar, me propozimin e Kryeministrit, Këshilli i Ministrave
V E N D O S I:
1. Miratimin e planit të veprimit të programit “Brain Gain”, për periudhën 2008-2009.
2. Kryeministrisë, në buxhetin e miratuar për vitin 2008, t’i shtohet fondi 24 400 000 (njëzet e katër milionë e katërqind mijë) lekë, për mbulimin e pjeshëm të efekteve financiare, të vitit 2008, për planin afatmesëm të veprimit të programit “Brain Gain”, i cili do të bashkëfinancohet nga Programi për Zhvillim i Kombeve të Bashkuara (UNDP).
3. Ky fond të përballohet nga fondi rezervë i Këshillit të Ministrave.
4. Ngarkohet Kryeministria për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
SALI BERISHA