Vaksinimi i bagëtive të imëta, veterinerët apelojnë për respektimin e protokolleve

Në këtë periudhë, specialistët veterinarë po u bëjnë thirrje blegtorëve që të tregojnë kujdes të veçantë për vaksinimin dhe dehelmintizimin e bagëtive të imta, si dele dhe dhi, me qëllim mbrojtjen e tyre nga sëmundjet dhe parazitozat.

Sipas Përgjegjësit të punës racore në QTTB, gjatë sezonit të kullotave rritet rreziku i përhapjes së sëmundjeve infektive dhe parazitare, ndaj zbatimi i protokolleve veterinare mbetet i domosdoshëm për ruajtjen e shëndetit të tufave dhe garantimin e prodhimit blegtoral.

“Kjo periudhë në bagëtitë e imëta duhet të kryen disa lloje vaksinimesh sipas një protokolli të përcaktuar veterinar sepse në bagëtitë e imëta është shumë i rëndëishëm parandalimi sesa kurimi”, theksoi Lazart Suraj, Përgjegjës i sektorit të punës racore, QTTB Korçë

Suraj thekson se një tufë e vaksinuar dhe e kontrolluar rregullisht ka më pak probleme shëndetësore, prodhim më të mirë qumështi dhe rritje më të sigurt të qengjave dhe kecave.

Gazetare: Geralda Manushi

/rtsh.al/