Vaksinimi i fëmijëve, asnjë efekt anësor

Sipas të dhënave të Institutit të Shëndetit Publik, varianti i ri “Omicron” ka prekur më shumë fëmijët nga 0-14 vjeç, por pavarësisht kësaj, prindërit janë skeptik të vaksinojnë fëmijët e tyre. 

Prof. Gjerorgjina Kuli, shefe e klinikës Infektive në pediatrinë e  QSUT-së në një intervistë për RTSH, tregon se tek ata që është aplikuar vaksina nuk është gjeneruar asnjë efekt anësor i padëshiruar.

Mbështëse e fortë e këtij procesi Kuli tregon se pavarësisht bindjes së krijuar tek prindërit se COVID nuk krijon komplikacione të rënda, ajo shpjegon se jo gjithmonë ndodh kështu dhe se vaksinimi i paraprin mbrojtjes së këtyre formave.

Vaksinimi i fëmijëve ka ndeshur hezitim të lartë tek prindërit dhe të vetmit që janë interesuar për këtë proces kanë qenë ata me fëmijë të prekur nga sëmundjet imunologjike e për të cilët ky proces është domosdoshmëri.