Valencia denoncon Ancelotti-n

Rasti Vinicius në Valencia, në ndeshjen në të cilën braziliani u ofendua dhe u vu në shënjestër të thirrjeve raciste, duket se nuk ka fund. Në fakt, muaj pas episodit, aksionerët e klubit denoncuan Carlo Ancelottin dhe hapën procedimin ndaj trajnerit italian të Real Madridit, i cili akuzoi tifozët dhe Mestalla në tërësi si raciste pas ndeshjes. “I gjithë stadiumi i bërtiste majmun Viniciusit”, tha Carletto, duke theksuar se një pjesë e Mestalla kishte qenë protagoniste e fyerjeve raciste ndaj lojtarit të tij. Por e gjithë kjo nuk mjaftoi dhe APAVCF vendosi ta kallëzojë dhe Prokuroria hapi procedimin ndaj tij.

Që nga ndeshja e 21 majit 2023, në të cilën Vinicius u largua para kohe për shkak të përjashtimit pas kaq shumë nervozizmi në fushë, nuk mjaftuan faljet e trajnerit italian. Timonieri i ardhshëm i Seleçaos, me postin e trajnerit të Brazilit nga qershori i vitit 2024, fillimisht do të përballet me procedurën e hapur pas ankesës së aksionerëve të Valencias. Në të vërtetë, sipas APAVCF, trajneri kishte përcaktuar një stadium të tërë me 46,002 spektatorë “racist para mediave të pranishme në sallën e shtypit, duke dëmtuar imazhin e Komunitetit të Valencias”.

Shoqata i kërkoi Prokurorisë Publike, në letrën e saj të regjistruar me datën e hyrjes më 1 qershor, të kryejë një “hetim përkatës” dhe të paraqesë “ankesën përkatëse në emër të palëve të dëmtuara”. Ndër të tjera, ankesa përmban të gjitha shprehjet që trajneri i ka cilësuar tifozët e Mestallës, me fjalë të tilla si “atmosferë raciste” dhe “i gjithë stadiumi i bërtiste majmun”.