Vasili për farmacistët: Asnjë antibiotik pa recetë mjeku

Rezistenca ndaj antibiotikëve është një ndër kërcënimet më të mëdha, për sigurinë e pacientëve në spitalet tona. Shfaqja e baktereve rezistente ndaj antibiotikëve ka prekur sigurinë e pacientëve duke rritur sëmundshmërinë, vdekshmërinë si dhe kohën e qëndrimit në spitale.

Për të rritur ndërgjëgjësimin e përdorimit me vend të antibiotikëve u organizua një seminar nga Ministria e Shëndetësisë me mjekë. Ministri Petrit Vasili, bëri thirrje që farmacistët të mos japin antibiotikë pa recetën e mjekut.
 

Rezistenca e mikrobeve ndaj antibiotikëve bën që infeksionet të shndërrohen në sëmundje shumë më të rëndë për shëndetin dhe shumë më të kushtueshme nga ana financiare për pacientët.