Vërshime në Afganistan, vdesin 19 persona

Zyrtarët afganë thanë se nga vërshimet e shkaktuara nga shirat e rrëmbyeshëm në veri të Afganistanit kanë vdekur të paktën 19 persona, ndërsa mijëra të tjerë kanë mbetur pa strehë.

Policia lokale tha se 50 persona konsiderohen të zhdukur pas vërshimeve që goditën të shtunën qarkun Sajad dhe Shar-e-Nav në provincën Sari Pul.

Mijëra persona kanë gjetur strehim nëpër xhami dhe shkolla.