Vetevarja e Mikelit, proteste kunder drejtorit

Gezim Ashimi
Funerali i 17-vjecarit, qe vari veten, dy dite me pare, ne qytetin e Bilishtit, eshte percjelle me protestat te bashkemoshatareve te tij ne shkollen e mesme te pergjithshme “Fuat Babani”. Nxenesit thone se shoku i tyre, Mikel Ajce, humbi jeten si pasoje e nje vendimi te padrejte te Drejtorise se shkolles per perjashtimin e tij. Gjate dites se djeshme, ne kete shkolle eshte nderprere procesi mesimor, me gjithe urdhrin e stafit pedagogjik per te zhvilluar nje dite normale mesimi.
Vendimi i drejtorit te shkolles, Alfred Mulla, per te zhvilluar mesim, ka irrituar me shume nxenesit. Ndersa nje pjese e tyre jane drejtuar per ne familjen e Mikelit per te bere nderimet e fundit, nje pjese tjeter jane grumbulluar perpara shkolles. Ata kane protestuar fillimisht ne heshtje dhe me pas duke goditur me gure dhe sende te tjera ne dritaret, ku shfaqej silueta e ndonje mesuesi. Disa prej nxenesve kapercyen murin rrethues, per t’u perballur me drejtorin, qe e konsiderojne fajtorin kryesor te kesaj tragjedie, por dera e shkolles ishte mbyllur. Me pas, disa te tjere kane shkallmuar deren e jashtme te shkolles, cka beri qe ne gjimnaz te mberrinte policia. Turma erdhi duke u rritur dhe tentoi te thyeje edhe deren e brendshme te shkolles, brenda se ciles ndodhej trupi pedagogjik, por nderhyrja e dyte e uniformave blu i zmbrapsi.
Nxenesit e shkolles se mesme te pergjithshme “Fuat Babani” kane perseritur per minuta te tera ne kor kerkesen e tyre per largimin e drejtorit. Ata tregojne se ai sillet ne shkolle si diktator, pa pyetur per te drejtat e tyre dhe heret a vone dicka do te ndodhte. Asnje prej mesuesve nuk ka pranuar te perballet me nxenesit e irrituar, duke qendruar brenda godines nen mbrojtjen e policise. Rreth ores 13:00, nxenesit u larguan, per te marre pjese ne ceremonine e varrimit te shokut te tyre, por paralajmeruan se protesta e tyre nuk ka marre fund.
“Drejtori yne sillet si diktator”
Shume prej nxenesve shprehen se pikerisht vendimi i drejtorit per perjashtimin e Mikelit ishte shkaku qe ata humben nje shok. “Ai sillet si diktator dhe na trajton si te ishte pronari i shkolles”, thote nje nxenese, qe vjen perdite ne shkolle nga nje fshat prane qytetit te Bilishtit. “Nuk mund te perjashtohej Mikeli, me pretekstin se ofendoi nje vajze, aq me teper pa marre asnje mase paralajmeruese”. Ndersa shoku i tij i bankes, Ervin Hysolli, tregon se bashke me Mikelin, per motive te ndryshme, u perjashtuan edhe tre nxenes te tjere. “Nuk jane te pakte nxenesit qe ai i ka perjashtuar dhe tani detyrohen te shkojne ne shkolla te fshatrave per te mos humbur vitin mesimor, tregon Ervini. Me sa duket, Mikeli nuk e perballoi dot padrejtesine. Ishte nje djale mjaft inteligjent dhe enderronte te vazhdonte studimet e larta ne Akademine e Rendit”. Shoket e Mikelit tregojne se 17-vjecarit i pelqente shume futbolli. Ndersa shkonte ne shkolle, ai ishte detyruar te punonte ne nje lavazh automjetesh pasditeve, per te ndihmuar familjen.
Lule pa fund per 17-vjecarin
Homazhet ne familjen Ajce gjate dites se djeshme dukej sikur nuk do te kishin fund. Qindra banore te qytetit te Bilishtit, nxenes e shoke te Mikelit, miq, te aferm e familjare, i kane bere nderimet e fundit 17-vjecarit. Tufat e luleve kane mbuluar trupin pa jete te adoleshentit, ndersa pothuajse te gjithe perserisin me dhimbje se tragjedia mund te parandalohej. Te pranishmit ne funeral kerkuan deri edhe arrestimin e personit qe shkaktoi vetevarjen e nje djaloshi, qe studionte paradite dhe punonte deri ne mbremje per te mbajtur familjen. Shoket e tij, me lot ne sy, thone se Mikeli ne letren e tij te lamtumires ka kerkuar qe mesuesit te mos vinin ne varrimin e tij, pervec njerit qe ishte i aferm i familjes. Rreth ores 13:00, nje kortezh i stermadh njerezish dhe automjetesh percollen per ne banesen e fundit djaloshin, qe enderronte te luante futboll dhe te shkonte ne shkolle.
Drejtori nderpret komunikimin
Drejtori Alfred Mulla u mbyll brenda shkolles gjate paradites se djeshme dhe nuk pranoi te komunikonte me askend per kete ngjarje, qe lidhet me institucionin mesimor qe ai drejton prej 3 vitesh. Mulla iu shmang edhe ballafaqimit me nxenesit e irrituar, te cilet e fajesonin per veprime te padrejta e te nxituara. Gazetari i “Koha Jone” kerkoi te fliste me drejtorin, por roja i institucionit iu pergjigj se “ai nuk ndodhej ne shkolle”.
Babai i Mikelit: “Pres hetimet, do ta kerkoj te drejten”
Alim Ajce, babai i 17-vjecarit qe u vetevar, me nje qetesi te akullt, thote se do te prese cfare do te dale nga hetimet e policise dhe te prokurorise dhe pastaj do te vazhdoje te kerkoje te drejten per veteflijimin e djalit te tij. “Nuk mund te flas para kohe, per shkakun qe e coi ne kete veprim tim bir. Them me bindje qe ai ishte nje djale inteligjent dhe se i pelqente te vazhdonte shkollen. Me sa duket, perjashtimi e ka tronditur, aq sa vari veten”. Babai tregon se ne mbremje i kishte dhene 100 leke Mikelit per shpenzime vetjake, dhe nga ai moment nuk e pa me te gjalle. “Tha se do dilte me shoket, por nuk e di se ku e ka kaluar naten. Te nesermen, na erdhi lajmi se e kishin gjetur te vdekur”. Pas tragjedise, Alim Alice eshte detyruar t’i telefonoje djalit tjeter qe eshte emigrant ne Greqi, per t’i treguar cfare kishte ndodhur me te vellane.