Vetevritet me arme, polici i burgut 325

Tirane-Nje polic i burgut 325 ne Tirane, i ka dhene fund jetes mbremjen e djeshme, me armen e tij te sherbimit. Ngjarja ka ndodhur ne banesen e tij, ne rrugen “Kongresi i Manastirit”, qe ndodhet prane Spitalit te Femijeve ne kryeqytet. Elton Dashi, 33 vjec, mesohet se ka qene i vetem ne shtepi, ne momentin qe ka vendosur te veteflijohet. Me nje plumb ne koke, ai i ka dhene fund jetes tragjikisht. Kane qene banoret e zones, fqinj te familjes Dashi, ata qe kane degjuar te shtenat e armes dhe me pas kane lajmeruar policine. Menjehere ne vendngjarje kane mberritur forcat e policise se komisariatit nr.4 te Tiranes dhe ata te sektorit te krimeve ne Drejtorine e Policise. I riu eshte gjetur i vetevrare, ulur ne divan. Ne momentin qe ka ndodhur ngjarja, mesohet se prinderit e tij nuk ndodheshin ne shtepi. Trupi i tij eshte derguar ne morgun e spitalit per kryerjen e ekspertizes mjeko-ligjore. Sipas hetimeve te para te policise, dyshohet se nje gjendje e renduar nervore, e ka shtyre te riun ne vetevrasje. Marrja e ketij lajmi ka qene teper e rende per prinderit e 33-vjecarit, te cilet nuk e kane besuar ate qe kane pare. Ata jane marre ne pyetje nga policia, per te shpjeguar ndonje arsye te forte qe e detyroi efektivin e policise se burgut 325, ne kete akt fatal per jeten. Policia po punon edhe ne drejtim te marredhenieve te tij te punes, per te gjetur motivin e depresionit nervor.