Villas Boas në Chelsea

Chelsea ka pranuar të paguajë dëmshpërblimin në kontratën e trajnerit të Portos, Andre Villas Boas, sipas medieve portugeze dhe strategu ka pranuar ofertën e pronarit të gjigantit londinez, Roman Abramovich.

Villas Boas në Stamford Bridge do të përfitojë 5 milionë euro në sezon, rrogë identike me atë që kishte Jose Mourinho gjatë kohës së tij si menaxher i ekipit, ka njoftuar agjencia portugeze e lajmeve Jordan de Noticias.

Chelsea po ashtu do të paguajë dëmshpërblimin prej 15 milionë eurosh. Villas Boas tashmë ka informuar Porton për vendimin e tij që t’i bashkohet gjigantit anglez, ka thënë një burim i afërt me trajnerin për Agencia.

Të dielën, presidenti i Portos, Pinto da Costa, ka thënë se “nëse një klub paguan 15 milionë euro dhe ai dëshiron të largohet nga klubi, ne nuk mund të bëjmë asgjë rreth kësaj”.