Vizat, Rehn pergezon Maqedonine

Pas mbajtjes se zgjedhjeve te rregullta, Komisioneri Evropian per Zgjerimin, Oli Rehn pergezoi ministrin e Jashtem te Maqedonise, Antonio Milososki per permbushjen e kritereve te kerkuara per liberalizimin e vizave.

"Nuk eshte surprize tashme se per kete ceshtje ish-republika jugosllave e Maqedonise eshte nje nga performuesit me te mire. Shpresoj qe per vendet me te perparuara te rajonit, vendet anetare te Bashkimit Europian do te marrin nje vendim pozitiv brenda ketij viti", eshte shprehur Rehn.

Por, prioriteti i Maqedonise me shume se heqja e vizave, eshte hapja e negociatave per antaresim me Bashkimin Europian.

“Hapja e negociatave do te ndikoje ne menyre pozitive per zhvillimin e jo vetem te shoqerise maqedonase, do te na beje te jemi te zene ne menyre me produktive dhe do te jape sinjal pozitiv ndaj rajonit gjithashtu", theksoi Milososki.

Komisioneri europian pritet te jape rekomandimin per hapjen e negociatave me Maqedonine ne fund te ketij viti, por per kete, sipas Rehn, duhen permbushur reformat.

“Ne menyre te vecante reforma e sherbimit civil, lufta ndaj korrupsionit dhe reforma gjyqesore”, theksoi Rehn.

Per te vijuar procesin integrues me Bashkimin Europian, Maqedonia pervec kritereve te Kopenhagenit, duhet te zgjidh dhe problemin e emrit me Greqine.