Vjen kometa Ison, në sistemin diellor

Mund të bëhet një nga kometat më brilante të viteve të fundit, ose të shthuret kur i afrohet Diellit. Kjo është kometa Ison, e zbuluar në fund të shtatorit dhe që po i drejtohet zonave të brendshme të sistemit diellor.

Aktualisht gjendet mes orbitave të Jupiterit e Saturnit, ndërkohë që mund të shihet me teleskop në agim, mes yjeve jo fort të dukshëm të shenjës së Gaforres.

Ison paralajmërohet si kometa më e shndërritshme e viteve të fundit dhe pritet që të japë spektaklin rreth datës 28 tetor, kur do të jetë 1.5 milionë km larg Diellit.

Ndërkohë që një riafrim me planetin Mars mund të modifikojë paksa orbitën e tij, kurse afrimi me Diellin rrezikon ta avullojë plotësisht.

Por nëse kjo kometë do të jetë "kockë e fortë", do të rishfaqet pas 28 nëntorit 2013, menjëherë pas perëndimit dhe duhet të jetë shumë e shndërritshme.(Tiscali)