Vlorë, Forcat e Armatosura nisin rikonstruksionin e aksit Babicë-Peshkëpi

Vlorë- Plot 60 mijë banorë në krahinën e Lumit të Vlorës do të përfitojnë nga rikonstruktimi i segmentit rrugor Babicë- Peshkëpi, që ka nisur ditën e sotme.

Rruga rreth 7 km, në një gjendje tejet të amortizuar që iu shërben banorëve të kësaj zone, është pjesë e aksit të vjetër rrugor Vlorë Tepelenë.

Rehabilitimi i saj ka ardhur nga Ministrisë së Mbrojtjes, resurseve të Forcave të Armatosura dhe koordinimit mes FA dhe strukturave lokale.

6 kryekomunarët e kësaj zone, kanë kërkur mbështetje për rehabilitimin e këtij segmenti rrugor me synim lehtësimin e qarkullimit, pothuajse të pamundur, që do të lehtësonte jo vetëm bizneset e tyre, por edhe lëvizjen e njerëzve në këtë fillim sezoni turistik.

Ushtria nis punimet në Drashovicë

Zv/ministria e Mbrojtjes Arta Musaraj e pranishme dje në fillimin e punimeve, tha se filozofia e qeverisjes Berisha që Forcat tona të Armatosura tanimë në NATO, veç detyrave mbrojtëse, kanë marrë një dimension të ri, atë të mbështetjes së jetës së komuniteteve.