Vlore Gjika hap fushaten. Perballja me Kollozin

Me slloganin “Për Vlorën Europiane” është çelur fushata e kryetarit të bashkisë së Vlorës, Shpëtim Gjika për zgjedhjet lokale të 8 majit në një takim ku kanë marrë pjesë anëtarë, simpatizantë si dhe deputetët të PS. Rikandidimin e tij Gjika e ka justifikuar me arritjet e shënuara dhe investimet e realizuara prej tij në krye të bashkisë gjatë këtij mandati. 

“Mbështetja dhe besimi juaj i përhershëm kanë qenë dhe do të vazhdojnë të jenë frymëzimi im për më shumë përgjegjësi, për më shumë angazhim, për më shumë vlerësim, për më shumë përpjekje, çdo orë e çdo ditë, në shërbim të bashkëqytetarëve dhe të qytetit tonë të mrekullueshëm” tha Gjika.

Kryetari aktual i bashkisë së Vlorës Shpëtim Gjika zgjedhjet e 8 Majit i konsideroi si një betejë për demokraci në jetën shqiptare, që duhet të ketë në qendër qytetarin dhe jo pushtetarin.

Festim Llanaj