Vodhi me armë zyrën e firmës së ndërtimit në Vlorë, arrestohet autori

Një 32-vjeçar është arrestuar pasi vodhi me armë zyrën e një firme ndërtimi në fshatin Dukat i Ri në Vlorë. Autori ishte me precedent të mëparshëm penal po në fushën ë vjedhjes.

“32-vjeçari S.C. së bashku me shokun e tij, të maskuar dhe duke kërcënuar me një arme zjarri kallashnikov, kanë marrë një shumë parash, në zyrën e një firme private ndërtimi, në fshatin Dukat i Ri dhe më pas janë larguar me automjet”, njofton policia.

Ngjarja ka ndodhur mëngjesin e 1 prillit, ndërsa në pranga përfundoi 32-vjeçari dhe u shpall në kërkim bashkëpunëtori i tij.

Në cilësinë e provës materiale janë sekuestruar automjeti që dyshohet se është përdorur gjatë kryerjes së këtij krimi, si dhe një celular.

Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.  

/rtsh.al/