Vonohen bagazhet e skuadrave shqiptare

Kemer - Futbollistët e skuadrave shqiptare që kanë udhëtuar në Kemer për të kryer fazën përgatitore duket se po kalojnë një peripeci të vërtetë. Bagazhet e futbollistëve kanë munguar në momentin që ata janë ulur në aeroportin e Kemerit. Për këtë shkak ata nuk kanë arritur dot të kryejnë seancën e parë të planifikuar për dje. Bagazhet e skuadrave shqiptare pritet të mbërrijnë sot në Antalja.

Peripecia e skuadrave filloi që dje, pasi avioni çarter të cilin kishin porositur u nis me disa orë vonesë nga aeroporti “Nënë Tereza”. Skuadrat që kanë udhëtuar dje në drejtim të Antaljas janë ato të Dinamos, Besës dhe Apolonisë.