Vranë 32-vjeçaren në Durrës, Gjykata lë në burg Aldo Brahimajn dhe Ylli Grabovarin

Gjykata e Durrësit ka lënë në burg Aldo Brahimajn dhe Ylli Grabovarin të akuzuar për vrasjen e Luljeta Prezes pranë urës së Dajlanit. Prindërit e Aldo Brahimajt kanë thënë se djali i tyre ishte larguar afro një muaj më parë nga shtëpia dhe ata e dinin se ishte në Fier, ku punonte duke mbledhur kanaçe.

Nëna Donika Hamzai, thotë se nëse djali i saj është fajtor të marrë dënimin që meriton.

32 vjeçarja Luljeta Preza u qëllua për vdekje me thikë për paratë që merrte nga shfrytëzimi i saj për prostitucion. Policia arrestoi lidhur me ngjarjen e rëndë edhe Eridon Patlli nën akuzën e shfrytëzimit të një 15- vjeçareje për prostitucion, që ditën e ngjarjes së rëndë ishte dëshmitare por nuk kallëzoi krimin.

Gazetare: Heriselda Dyrmishi

/RTSH/