Vrasja e dy vëllezërve në Malishevë, arrestohet i dyshuari

Policia e Kosovës ka arrestuar autorin e dyshuar A.I., për vrasjen e dyfishtë që ndodhi një ditë më parë në fshatin Golluboc, Komuna e Malishevës.

Ngjarja tragjike ndodhi më 6 nëntor, kur dy vëllezër mbetën të vrarë me armë zjarri, ndërsa si autor i dyshuar u identifikua dhëndri i tyre, A.I., i cili pas krimit ishte larguar nga vendi i ngjarjes.

Kryeprokurori i Gjakovës, Enis Gashi, ka konfirmuar se viktimat dhe i dyshuari kishin lidhje familjare, ndërsa motivi i krimit ende nuk është përcaktuar.

Hetimet rreth ngjarjes po vazhdojnë, ndërsa autoritetet kanë bërë të ditur se do të publikohen më shumë detaje në ditët në vijim.

/rtsh.al/