Vrasja e gjyqtarit, kreu i Dhomës së Avokatisë në Vlorë: Kambanë alarmi

Kreu i Dhomës së Avokatisë në Vlorë, Durim Bajramaj e quan kambanë alarmi, vrasjen e gjyqtarit të Apelit në Tiranë, Astrit Kalaja.

Bajrami thotë se për shkak të ngjarjes, Gjykata e Shkallës së Parë në Vlorë ka vendosur pezullimin e çështjeve gjyqësore deri ditën e hënë përveç masave të sigurisë.

Sipas Bajramit, në Gjykatën e Vlorës punojnë dedektorët e metaleve por gjyqtarët, avokatët dhe prokurorët sipas tij nuk kanë siguri për jetën. Kreu i Dhomës së Avokatisë në Vlorë thekson se kjo ngjarje i bën të ndihen të frikësuar.

“Është një ngjarje e rëndë që ka tronditur gjithë opinionin kombëtar, gjithë sistemin e drejtësisë. Jemi të tronditur nga kjo ngjarje makabre. Vritet gjyqtari brenda sallës së gjyqit dhe ky është dështim i sistemit”, deklaroi ai.

Bajrami deklaron se Gjykata e Vlorës ka fluks dosjesh, ndërsa shton se ka ende çështje pronash të vitit 2010 që trajtohen në këtë gjykatë.

/rtsh.al/