Vrasje në Berat e Tiranë, dy të vdekur

Policia lokale bëri të ditur se viktima është shtetasi Xhoni Lumani, 33-vjeç, i cili është qëlluar me breshëri arme tip kallashnikov.

Policia shoqëroi në komisarit 10 persona, të cilët ishin dëshmitar okularë në vendin e ngjarjes, por ende nuk ka një autor të dyshuar për krimin.

Ndërkohë, mbrëmjen e shkuar dy vëllezër u qëlluan me armë në Tiranë, ku njëri prej tyre humbi jetën.

Policia bëri të ditur se dy vëllezërit shtetasit Edmond dhe Arjan Tasha, janë qëlluar me armë zjarri nga fqinji i tyre. Tre plumbat e armës i morën jetën shtetasit Edmond Tasha, ndërsa vëllai i tij ndodhet në Spitalin Ushtarak të Tiranës

Shkak për krimin ka qenë një borxh i papaguar nga viktima, çka kishte shkaktuar konflikte të vazhdueshme midis dy komshinjve. /S.Ll/Start

                                                                                             2011-10-13 09:30