Vrasje në Shijak, ekzekuton djalin e xhaxhait

Shijaku është tronditur gjatë pasdites së sotme nga një tjetër krim i rëndë.

Një person akuzohet se ka vrarë djalin e xhaxhait. Burime pranë policisë thanë se i dyshuari për ngjarjen është Pëllumb Guza.

Këto burime thanë se ky i fundit dyshohet se ka vrarë në fshatin Fushë Kaxha Tahir Guzën, rreth 50-vjeç. Krimi ka ndodhur për motive banale.

Pas vrasjes, autori i krimit është larguar nga vendi i ngarjes, ndërsa policia tashmë është vënë në ndjekje të tij.

Vetëm pak ditë më parë në Shijak ndodhi gabimisht një vrasje e dyfishtë, ndërsa dy persona të tjerë mbetën të plagosur.