Vrasjet mafioze asnje shperblim per informatoret
Nese nje ngjarje e rende ndodh ne nje territor te caktuar per zbardhjen e saj policia vendos shperblime nga me te ndryshmet. Por kjo nuk ndodh kur behet fjale per vrasje te personave qe per policine kane qene kontingjent kriminal. Nje gje e tille vihet re shpesh ku zyrtaret e policise nuk kane publikuar pothuajse asnjehere ndonje oferte apo shperblim per ata persona qe mund te ndihmojne ne zbardhjen e ketyre krimeve pavaresisht se deri me sot ende mbeten ngjarje te pazbuluara.
Sic eshte vene re sa here ka pasur ngjarje te renda strukturat e policise kane dale ne konferenca per shtyp dhe kane deklaruar se dokumentimi i tyre eshte tejet i veshtire. Per shkak te mungeses se informacioneve ata kane ofruar shperblime nga me te ndryshmet per personat qe mund te kene informacion qe ndihmon ne identifikimin e autoreve. Madje vihet re se shperblimet jane te majme edhe pse krimi mund te kete qene banal. Shperblime te majme jepen zakonisht kur grabiten banka pavaresisht se nuk tregohet shuma e sakte e parave te vjedhura. Shperblime jepen edhe per krime te tjera per informacione apo per kapjen e autoreve te identifikuar. Edhe kur ka ndonje vrasje keto shperblime nuk mungojne duke u ofruar menjehere.
Por ajo qe mungon eshte shperblimi per vrasjet e medha sic cilesohen edhe ne analizat e policise te cilat mbeten me vite te pazbardhura dhe qe ceshtjet mbyllen e rihapen e serish nuk kane asnje autor per tiu pergjigjur drejtesise per krimin e kryer. Me vrasjet e medha behet fjale per ekzekutimet mafioze qe u behen personave te ndryshem ne mes te qytetit diten apo naten e qe veshtiresia per ti zbardhur eshte ne nivel shume te larte. Jane pikerisht ata persona qe jane kontingjent i policise qofte te denuar apo jo qofte edhe thjesht te dyshuar per krime te ndryshme pavaresisht se asnjehere nuk eshte vertetuar fajesia e tyre nga sistemi i drejtesise.
Krime te tilla kane ndodhur pothuajse ne te gjithe vendin dhe nga nje vezhgim i bere rezulton se ne asnje prej ketyre rasteve sidomos per vitin 2010 nuk eshte ofruar shperblim per informatoret pavaresisht se ato ngjarje vazhdojne te mbeten pa autor. Madje vetem ne Tirane ka pasur disa prej tyre ku oficere policie ne rruge zyrtare ose konfidenciale kishin deklaruar se autoret jane identifikuar por nuk ka asnje te arrestuar.
Madje nje nga vrasjet me te renda qe ndodhi kete vit ne Tirane ishte edhe vrasja e Franc Konomit i cili ka qene i dyshuar si i perfshire ne shume aktivitete kriminale pavaresisht se ai eshte denuar vetem nje here per gjobe ndaj nje tregtari. Konomi ishte dyshuar per vrasje per grabitje gjobevenie trafik droge e shume vepra te tjera penale por qe organi i akuzes i kishte vertetuar vetem nje te tille per nje here te vetme. E pikerisht nga keto dyshime mendohet se ka ardhur edhe vrasja e tij qe deri me tani ende nuk ka para drejtesise nje emer konkret per autoret e saj dhe ende nuk ka nje shperblim per te ndihmuar ne zbardhjen e ketij krimi.
Ne lidhje me kete problem i cili nuk ka ndodhur vetem sivjet por qe eshte i mbartur prej vitesh deri me sot nuk eshte prononcuar askush. Ky fenomen duket se ndodh per dy arsye qe kane te bejne me mungesen e fondeve qe i jepen policise per te zbardhur ngjarje te renda kriminale duke kerkuar edhe ndihmen e qytetare ose me lenien ne harrese te ketyre personave duke pretenduar se kane marre denimin e merituar. Madje per rastin e pare vihet re se sa here ka grabitje parate per shperblim per informatoret jepen nga vete objekti i demtuar qe sidomos ndodh me bankat. Ndersa per rastet e tjera policia ofron shperblime shume te vogla dhe duket se per kontingjentin e saj keto shperblime nuk ekzistojne duke rene ndesh me te drejtat e njeriut e duke mos i ngushelluar sadopak familjet e tyre qe pavaresisht se si ishin para se te vriteshin ata ishin femijet vellezerit apo baballaret e dikujt. Kjo te le te hamendesosh se shteti yne ka vendosur te lirohet prej ketij kontingjenti kriminal duke i lejuar te vrasin njeri-tjetrin derisa te zhduken te gjithe.