Vriten mbi gjashtë punonjës të OKB-së në Kabul

Autoritet afgane deklarojnë se gjatë sulmit janë vrarë edhe tre sulmues, ndërkohë që emrat dhe shtetësitë e viktimave nuk janë bërë ende të ditura.
 
Forcat afgane të sigurimit raportohet se rrethuan menjëherë ndërtesën sapo dëgjuan të shtënat e para, dhe më pas vazhduan shkëmbimet e zjarrit me atentatorët.

Talibani ka marrë përgjegjësinë për sulmin, duke e lidhur atë me raundin e dytë të zgjedhjeve presidenciale të debatueshme të cilat do te zhvillohen javën e ardhshme.

Disa orë më vonë u dëgjuan shpërthime dhe të shtëna edhe nga hoteli “Serena”, ku thuhet se qëndrojnë shumë diplomatë dhe gazetarë të huaj por nuk ka të dhëna për viktima.