Weiwei duhet të paguajë 2.4 milionë dollarë

Wewei (54) njihet për veprën e bërë enkas për lojërat olimpike, stadiumin ‘Foleja e Zogut’, në Pekin. Gjatë këtij viti ai qëndroi në paraburgim për 81 ditë, pa asnjë aktakuzë të ngritur, gjë që shkaktoi kritika të shumta në Perëndim. Weiwei u lirua në qershor.

Artisti kinez i tha agjencisë Reuters se nga autoritetet tatimore kineze ka marrë një njoftim, në të cilin thuhet se ai është “kontrollori i vërtetë” i kompanisë Peking Fake Cultural Development, e cila prodhon veprat e tij. Kompania është në pronësi të gruas së Weiwei.

"E shpikën këtë titull të ri. Unë jam dizajner i kompanisë, por jo drejtor e as menaxher i saj. Natyrisht që e di se jam shënjestër e sulmit. Ata më thanë se po e dënojnë kompaninë, e jo mua, por mua më intereson se përse qeveria zgjodhi pikërisht emrin tim për trajtim gjatë mbledhjeve të Ministrisë së Jashtme”, theksoi ai.