Wright-Phillips, në radar të PSG-së
Nga Express më 09 mars 2011 në ora 19:19
Shaun Wright-Phillips është bërë objektiv i ri i Paris Saint Germain. Sipas medieve angleze, respektivisht të përditshmes Daily Mail, klubi francez i ka kërkuar Manchester Cityt informata për mesfushorin e krahut të djathtë.
29 vjeçari ka kontratë deri në qershor të vitit 2012 me klubin ‘Citizens’.
Ai nuk e ka vazhduar kontratën, pasi që nuk ndihet pjesë e rëndësishme e klubit.
Menaxheri Roberto Mancini nuk e ka aktivizuar rregullisht ish futbollistin e Chelseas, i cili mund t’i bëjë gati valixhet për t’u larguar pas 3 muajsh.