Xhaçka: Shqipëria dhe SHBA në vijën e parë të dënimit të agresionit rus në OKB

Ministrja për Evropën dhe Punët e Jashtme, Olta Xhaçka zhvilloi të premten një takim me ambasadoren e SHBA-së në OKB, Linda Thomas-Greenfield.

Gjatë takimit, Xhaçka theksoi se “Shqipëria dhe SHBA kanë qenë dhe do të vazhdojnë të jenë në vijën e parë të dënimit të agresionit rus në Këshillin e Sigurimit të OKB-së dhe kudo në mbrojtje të vlerave, parimeve, normave dhe rregullave ndërkombëtare”.

Xhaçka u shpreh se “do të vazhdojmë të punojmë për të siguruar llogaridhënien”.