Xhaferri: Po shikojme ende fitoren, Kuvendi i PD-se vjen me pas

Sekretari per Marredheniet me Publikun ne PD, Ferdinand Xhaferri deklaroi dje se Partia Demokratike po vijonte festen e fitores se saj ne zgjedhjet e pergjithshme. I pyetur nga gazetaret ne lidhje me Kuvendit Zgjedhor te demokrateve, Xhaferri theksoi se per momentin nuk kishte nje date te caktuar per mbajtjen e tij. "Ne jemi ne feste. Kuvendin e PD e shprehen qytetaret shqiptare ne 28 qershor qe e ricikluan z. Berisha per nje mandat te dyte si kryeminister" tha Xhaferri per mediat mesditen e djeshme. Por sipas statutit te partise me te madhe te mazhorances, Kuvendi Zgjedhor i demokrateve duhet te mbahet brenda ketij viti. Por deklarata e sekretarit te PD-se, le te kuptohet se aktualisht PD eshte e perqendruar ne krijimin e qeverise se re ne bashkepunim me aleatet e saj. Pas formimit dhe fillimit normal te punes se qeverise se re, pritet qe demokratet te merren me problemet e tyre te brendshme dhe te mbajne Kuvendin i cili do te rizgjedh sekretaret e rinj te PD-se.