ZGJOHU e shqetesuar per izolimin e Maqedonise
Levizja Qytetare ZGJOHU shprehet e shqetesuar nga mungesa e perkushtimit Euroatlantik te qeverise se Maqedonise dhe nga tendenca per izolimin e vendit.
28 vendet anetare te Aleances Atlantike te Veriut konfirmuan ne Samitin e Lisbones politiken e dyerve te hapura per vendet aspirante duke perfshire edhe Maqedonine por per fat te keq autoritetet e vendit nuk po shqetesohen qe cdo samit i kaluar i NATO po konfirmon izolimin e Maqedonise. Konsensusi eshte vlere e perqafuar nga vendet anetare te NATO dhe Qeveria duhet te veproje ne perputhje te rekomandimeve te komunitetit nderkombetar duke i zgjidhur ceshtjet bilaterale dite me pare shprehet levizja Zgjohu ne nje komunikate per shtyp.
Levizja Qytetare Zgjohu theksoi se mospjesemarrja e Kryeministrit Gruevski ne samitin e Lisbones forcon bindjen tone qe proceset integruese te Maqedonise nuk jane prioriitet i qeverise qe ai drejton.
Sot flamuri kombetar shqiptar valon krenar ne Bruksel gjersa ne shqiptaret e Maqedonise mbetemi te izoluar dhe ne pritje te marrjes se vendimeve te rendesishme nga Gruevski. Andaj me 28 nentor Levizja ZGJOHU do te festoje Diten e Flamurit duke demonstruar vullnetin e shqiptareve te Maqedonise per tu integruar ne NATO dhe BE perfundon komunikata e levizjes.