Zbardhen 3 vjedhje në Tiranë, në pranga 33-vjeçari, shtynte të miturin ta ndihmonte në krim

Zbardhen tre vjedhje të kryera në Tiranë gjatë muajit mars. Policia ka vënë në pranga një 33-vjeçar i cili shtynte një të mitur për të vjedhur së bashku me të. Po ashtu, Policia ka nisur procedim penal në gjendje të lirë për 15-vjeçarin pasi ka ndihmuar në vjedhjen e banesave 33-vjeçarin.

Këta persona në bashkëpunim me njëri-tjetrin, më datë 13 mars 2023, kanë tentuar të vjedhin në një farmaci, ndërsa më datë 15 mars 2023, kanë vjedhur shuma parash, në 2 subjekte të ndryshme, ndërsa policia vijon punën për dokumentimin e vjedhjeve të tjera që mund të jenë kryer nga këta persona.

Policia sqaron se si rezultat i operacionit të koduar “Influence” “u vu në pranga shtetasi R. Ll., 33 vjeç, banues në Tiranë, për veprat penale “Vjedhja”, kryer në bashkëpunim, më shumë se një herë dhe “Shtytja e të miturve në kërkim”; nisi procedimi penal në gjendje të lirë për një shtetas të mitur 15 vjeç, për veprën penale “Vjedhja”, kryer në bashkëpunim, më shumë se një herë”.

/rtsh.al/