Zelensky: Putin është i dobët, fuqia e tij po shpërbëhet

Presidenti ukrainas Volodymyr Zelensky ka deklaruar se përgjigja e Presidentit rus ndaj rebelimit të armatosur të Wagner ishte “e dobët” dhe se Putin po humbet kontrollin mbi popullin e tij.

 “Ne e shohim reagimin e Putinit. Është e dobët. Së pari, ne shohim se ai nuk kontrollon gjithçka. Lëvizja e Wagner-it thellë në Rusi dhe marrja e rajoneve të caktuara tregon se sa e lehtë është të bëhet. Putin nuk e kontrollon situatën në rajone. E gjithë ajo vertikale e pushtetit që ai kishte më parë po shembet”, tha Zelensky.

Ky i fundit tha se raportet e inteligjencës ukrainase treguan se Kremlini po mat mbështetjen për Prigozhin dhe ai pretendoi se gjysma e Rusisë mbështeti shefin Wagner dhe rebelimin e grupit paraushtarak.

Putin u përball me kërcënimin më të madh ndaj autoritetit të tij në dy dekada, kur kreu i grupit paraushtarak Wagner, Yevgeny Prigozhin, nisi një kryengritje jetëshkurtër, duke pretenduar kontrollin e objekteve ushtarake në dy qytete ruse dhe duke marshuar drejt Moskës.

/rtsh.al/