Zgjedhjet në Izrael, deri më tani kanë votuar 74.3% e qytetarëve! Pjesëmarrja më e lartë se ajo e vitit 2022

Pjesëmarrja në votime në të gjithë Izraelin arriti në 74.3% deri në orën 20:00 të së martës, sipas Komitetit Qendror të Zgjedhjeve (KQZ), duke tejkaluar përqindjen totale të pjesëmarrjes në zgjedhjet e vitit 2022 me 3.7 pikë.

Në Jerusalem, pjesëmarrja ishte 62%, ndërsa Tel Aviv regjistroi 63.6% dhe Haifa regjistroi 59.8%. Në qytetin haredi (ultra-ortodoks) të Bnei Brak, pjesëmarrja ishte 72.5%, ndërsa në qytetin qendror arab të Umm al-Fahm, pjesëmarrja ishte 70.1%.

Votimi është planifikuar të vazhdojë deri në orën 22:00, megjithëse disa qendra votimi kanë orare të ndryshme.

Këto janë zgjedhjet e para legjislative në Izrael që nga sulmet e e Hamasit më 7 tetor 2023. Të gjitha 120 vendet në Knesset, parlamentin e Izraelit, janë në garë.

Një parti duhet të ketë 61 vota për të pasur shumicën, por kjo nuk ka ndodhur kurrë në historinë e vendit dhe qeveritë zakonisht përbëhen nga koalicione.

Sondazhet e publikuara sugjerojnë se kryeministri aktual Benjamin Netanyahu është pothuajse kokë më kokë me ish-shefin ushtarak Gadi Eisenkot në garën për t’u bërë kryeministër.