Zgjedhjet në Rusi, Putin merr shumicën absolute

Nuk do të ketë më maxhorancën konsitucionale si më parë, por sidoqoftë partia e kryeministrit Putin ka maxhorancën absolute.

Me rreth 96 % të votave, partia Rusia e Bashkuar merr 238 vende nga 450 që ka Duma. Lajmin e konfirmon kreu i Komisionit Qendror Zgjedhor, Vladimir Ciurov.

Sipas Ciurov, komunistët do të kenë 92 vende, Rusia e Drejtë 64 dhe liberaldemokratët 56.  Pjesëmarrja në zgjedhje ishte 60.2 për qind, pak më e vogël se sa ajo e vitit 2007 (63,78%).

Manifestimet

Sipas policisë, 260 persona persona janë ndaluar të dielën në Moskë gjatë manifestimeve që kontestonin legjititmitetin e zgjedhjeve. Lajmin e bën të ditur agjencia Interfax. Organizata të ndryshme opozitare si Rusia Tjetër dhe Solidarnost kishin organizuar përmes rrjetit Facebook një manifestim.