Zgjedhjet serbe në Mitrovicë, ilegale
Institucionet dhe opozita në Prishtinë, i cilësojnë të papranueshme dhe ilegale zgjedhjet e paralajmëruara të Serbisë në Mitrovicë. Këto zgjedhje shihen si përpjekje e Beogradit për t’i sfiduar planet për integrimin e pjesës veriore.
Zgjedhjet lokale të Serbisë, të paralajmëruara të mbahen më 30 maj në Mitrovicë, nga institucionet e Kosovës do të konsiderohen ilegale dhe jo legjitime.
Zëdhënësi i Presidentit të Kosovës, Xhavit Beqiri, ka thënë për Radion Evropa e Lirë se Beogradi edhe vetë po e sheh fare qartë se roli i tij në vendbanimet serbe po zbehet.
Kjo, sipas tij, është vërejtur edhe me zgjedhjet e fundit lokale në Kosovë, ku kishte një dalje dhe pjesëmarrje solide të serbëve.
Kurse zgjedhjet e Serbisë, si ato në Mitrovicë apo vendbanime tjera, ai i cilëson si ilegale dhe të papërfillshme për institucionet e Kosovës.
“Çfarëdo rezultati që mund të dalë prej atyre zgjedhjeve që po proklamohen, është i parëndësishëm, sepse ato zgjedhje janë jolegjitime dhe si të tilla, janë të papranueshme për institucionet dhe popullin e Republikës së Kosovës”, ka deklaruar Beqiri.
Këto zgjedhje ai i sheh edhe si një përpjekje serbe për të penguar planet vendore e ndërkombëtare për integrimin e pjesës veriore.
Mirëpo, pavarësisht destruksioneve serbe, Beqiri tha se institucionet e Kosovës do të vazhdojnë të punojnë me komunitetin serb që të integrohet.
Ndërkohë, Avni Arifi nga Kryesia e Aleancës për Ardhmërinë e Kosovës, kërkon nga Qeveria që të ndërmarrë hapa kundër strukturave të pushtetit të Serbisë, në mënyrë që të mos lejohet cenimi i sovranitetit të shtetit të Kosovës.
“Natyrisht se nuk mendoj në asnjë mënyrë që të përdoret dhuna. Megjithatë, mekanizmat e strukturave paralele dhe strukturave që votohen në territorin e Republikës së Kosovës dhe që i takojnë një shteti tjetër duhet të jenë të limituara dhe thjesht të parandaluara”, ka thënë Arifi.
Zgjedhjet lokale të Serbisë, të paralajmëruara të mbahen më 30 maj në Mitrovicë, nga institucionet e Kosovës do të konsiderohen ilegale dhe jo legjitime.
Zëdhënësi i Presidentit të Kosovës, Xhavit Beqiri, ka thënë për Radion Evropa e Lirë se Beogradi edhe vetë po e sheh fare qartë se roli i tij në vendbanimet serbe po zbehet.
Kjo, sipas tij, është vërejtur edhe me zgjedhjet e fundit lokale në Kosovë, ku kishte një dalje dhe pjesëmarrje solide të serbëve.
Kurse zgjedhjet e Serbisë, si ato në Mitrovicë apo vendbanime tjera, ai i cilëson si ilegale dhe të papërfillshme për institucionet e Kosovës.
“Çfarëdo rezultati që mund të dalë prej atyre zgjedhjeve që po proklamohen, është i parëndësishëm, sepse ato zgjedhje janë jolegjitime dhe si të tilla, janë të papranueshme për institucionet dhe popullin e Republikës së Kosovës”, ka deklaruar Beqiri.
Këto zgjedhje ai i sheh edhe si një përpjekje serbe për të penguar planet vendore e ndërkombëtare për integrimin e pjesës veriore.
Mirëpo, pavarësisht destruksioneve serbe, Beqiri tha se institucionet e Kosovës do të vazhdojnë të punojnë me komunitetin serb që të integrohet.
Ndërkohë, Avni Arifi nga Kryesia e Aleancës për Ardhmërinë e Kosovës, kërkon nga Qeveria që të ndërmarrë hapa kundër strukturave të pushtetit të Serbisë, në mënyrë që të mos lejohet cenimi i sovranitetit të shtetit të Kosovës.
“Natyrisht se nuk mendoj në asnjë mënyrë që të përdoret dhuna. Megjithatë, mekanizmat e strukturave paralele dhe strukturave që votohen në territorin e Republikës së Kosovës dhe që i takojnë një shteti tjetër duhet të jenë të limituara dhe thjesht të parandaluara”, ka thënë Arifi.