Zjarr dhe shperthime prane banesave

BERAT- Zjarri i rene mengjesin e djeshem ne nje mocalishte shume prane zones se banuar te qytetit te Beratit ka vene jo vetem ne panik banoret, por rrezikoi edhe jeten e tyre. Shkak jane bere shperthimet e fuqishme te nje sasie municionesh te fshehura prej kohesh mes shkurreve. Nje telefonate e kryer ne sallen operative te policise vendore ka bere qe nje numer uniformash blu dhe punonjes te zjarrfikeses te drejtoheshin per nga lagjja periferike e "Gjashte Kateshit", ne hyrje te qytetit. Flaket nuk kane qene te medha, por sapo zjarrfikesit jane afruar, shperthime te fuqishme jane degjuar ne brendesi te vatres se zjarrit. Punonjesit jane terhequr per momentin per te mos rrezikuar jeten deri ne perfundim te shperthimeve, ndersa flaket i jane drejtuar banesave. Burime policore konfirmuan faktin e shperthimeve, duke u shprehur se kane qene disa armatime dhe municione te hedhura nga persona te paidentifikuar, qe datojne te grabitura nga depot ne vitin 1997. Autobotet e zjarrfikesve kane nderhyre me pas per te shmangur djegien e banesave, ndersa grupi i eksperteve konstatoi disa arme te djegura dhe gezhoja fishekesh brenda ne zonen e mocalishtes. Burime zyrtare te policise thane se fillimisht kane larguar banoret kureshtare nga vatra e zjarrit dhe me pas kane nderhyre duke shuar flaket. Per fat te mire nuk ka pasur te lenduar nga kjo ngjarje qe ka mbajtur per mese nje ore ne panik banoret e lagjes periferike te Beratit.

E.H