Zjarr në Katedralen e Rouen-it në Francë – Ndërtesa mesjetare e famshme nga pikturat e Monet

Kulmi i katedrales së famshme gotike të qytetit të Rouenit në Francë u përfshi të enjten nga flakët, çka çoi në evakuimin e atyre që ndodheshin atje. Rreth 70 forca zjarrfikëse dhe 40 automjete u përfshinë në operacionin e shuarjes së zjarrit, i cili është vënë tashmë nën kontroll.

Sipas kryebashkikaut të Rouenit, nuk dihet se çfarë mund ta ketë shkaktuar zjarrin .  Nuk ka raportime për viktima nga kjo ngjarje, ndërkohë që ende nuk dihen përmasat e dëmit të shkaktuar. 

Katedralja e shekullit të 12-të, e cila është pasqyruar në disa vepra të shekullit të 19të të piktorit impresionist Claude Monet,  se fundmi i ishte nënshtruar punimeve të restaurimit. Nga viti 1876 deri në 1880-tën ishte ndërtesa më e lartë në botë.

/RTSH/