Zv/ministri i Brendshem kritikon policine e Korces

Vrasjet e fundit ne Korce por edhe nje sere krimesh te tjera te renda qe kane pasuar njeri-tjetrin nuk jane lene jashte vemendjes se Ministrise se Brendshme. Ato krime qe kane tronditur Juglindjen duket se kane tronditur edhe zyrtaret e larte te policise per shkak te kriminalitetit ne rritje. Vrasja ende e pazbardhur e 37-vjecarit Marsel Grabocka nje jave me pare dhe krime te tjera te koheve te fundit kane cuar ne Korce zevendesministrin e Brendshem Avenir Peka i cili ka zhvilluar dje nje takim me kreret e policise lokale. Ne takimin me dyer te mbyllura mesohet se zv/ministri jo vetem ka kerkuar llogari per krimet e fundit por ka vene para pergjegjesise strukturat per te bere sa me pare zbardhjen e ngjarjes se vrasjes se 37-vjecarit per te zbuluar autoret dhe shkaqet e vrasjes se tij. Mesohet se Peka u ka kerkuar drejtuesve te policise rajonale qe te parandalohen krimet e renda si grabitjet me maska dhe arme permes perforcimit te sherbimeve. Rastet e grabitjeve me dhune dhe me maska si ato te ndodhura ne fshatin Zicisht te rrethit te Devollit ku nje biznesmen u kercenua me jete per shkak te konkurrences apo vjedhja me dhune e nje lokali bizhuterish ne qytetin e Pogradecit jane evidentuar si nje arritje e policise se Korces per zbulimin e autoreve. Por nga ana e zv/ministrit Peka eshte kerkuar qe te punohet me shume per parandalimin e ngjarjeve kriminale.