Zyrtare, Mustafa kandidat i LDK-së për Prishtinën

Isa Mustafa është kandidat i Lidhjes Demokratike të Kosovës (LDK), për kryetar të Prishtinës për zgjedhjet lokale të 3 nëntorit. Lajmin e ka konfirmuar në një konferencë për medie, sekretari i Përgjithshëm i LDK-së, Ismet Beqiri.

Vetë kryetari nuk ishte prezentë në konferencë. 

Mustafa, njëherit është edhe kryetar i partisë më të madhe opozitare LDK-së, dhe njëherësh është kryetar aktual i Prishtinës. Mustafa ka fituar për dy herë radhazi Prishtinën, madje herën e dytë pa balotazh. /Indeksonline/