Çavez konfirmon: Në bashkëpunim me Iranin, Venezuela po prodhon avionë pa pilotë

Venezuela është duke ndërtuar aeroplanë pa pilot, në kuadër të bashkëpunimit të saj ushtarak me Iranin dhe aleatët e tjerë, ka konfirmuar presidenti Hugo Çavez, një lëvizje kjo e cila mund të amplifikojë tensionin SHBA-Venezuelë. Duke iu referuar një raporti të mediave spanjoll lidhur me prodhimin e avionëve pa pilot, të quajtur ndryshe drone, Çavez tha: "Sigurisht që ne jemi duke i prodhuar,  dhe ne kemi të drejtën të bëjmë një gjë të tillë pasi jemi një vend i lirë dhe i pavarur”. Në një fjalim televiziv në Ministrinë e Mbrojtjes së Venezuelës, Çavez tha se aeroplani ka vetëm një aparat fotografik dhe ishte ekskluzivisht për qëllime mbrojtëse. "Ne nuk kemi plan për të sulmuar askënd", tha ai.