Çelsi nuk shkon më tepër se barazimi me Evertonin

Londër - Çelsi nuk arriti të shkonte më shumë se barazimi 0-0 në përballjen me Evertonin për javën e 33-të të Premier Ligës. Me këtë barazim skuadra e Gus Hidink ruan hapin e Liverpulit, duke mos përfituar nga barazimi i tyre 4-4 me Arsenalin.

Çelsi renditet në vendin e tretë me 68 pikë, 6 më pak se Mançesteri i vendit të parë, i cili fitoi 2-0 me Fulhamin në ndeshjen e prapambetur, dhe 3 pikë më pak se Liverpuli i vendit të dytë.

Ndërsa, Evertoni çimenton vendin e gjashtë me 53 pikë, një më pak se Aston Vila e vendit të pestë.