“Çështja e kundërfletëve, Rama do të ishte 400 vota minus”
31/05/2011 Kryeministri Berisha sqaron çështjen e numërimit në grupin parlamentar të PD-së
“Gramoz Ruçi kishte 144 orë kohë për të bërë denoncimin, por preferoi heshtjen”
Kryeministri Sali berisha tha dje në mbledhjen e grupit parlamentar se, në rast se PD-ja do të kishte kërkuar pavlefshmërinë e fletëve të votimit të gjetura me kundërfletë, atëherë Edi Rama tani do të ishte rreth 300 apo 400 vota minus në krahasim me kandidatin Lulzim Basha. Sipas kryeministrit, maxhoranca i qëndroi fort parimit të numërimit të çdo vote dhe pavarësisht gabimit administrativ, në këto vota ishte shprehur qartë vullneti i zgjedhësit. “Po të kemi parasysh një element, në rastin e Tiranës, në qoftë se ne do të merreshim edhe me këto vota, kandidati tjetër i Tiranës nuk do të ishte minus 81 vota, por do ishte me minus 300-400 vota. Po ku ishte morali këtu? Në të gjitha këto vota dua t’ju garantoj se qytetarët e Tiranës kishin shprehur qartë vullnetin tyre se për cilin kishin votuar. Pra, nuk kishin të bënin më me kundërshtarin, por kishin të bënin me qëllimin e shprehur qartë nga qytetari i Tiranës për preferencën e tij”,- tha kryeministri. Sipas tij, ky vendim u mor në respekt të mbi 1000 qytetarëve që kishin votuar në këto dy qendra votimi
Pretendimet
Ndërkohë kryeministri nuk la pa përmendur të fjalën e tij dhe pretendimet e socialistëve për numrin e fletëve të votimit të gjetura në kuti, që sipas tyre në disa raste ishte më i madh se numri i zgjedhësve. Kryeministri tha se PS-ja ka pasur 144 orë afat për të bërë animimin përkatës, por çuditërisht kjo hapësirë nuk u shfrytëzua nga ana e kundërshtarëve të tij politikë. “Por çfarë ndodhi këto dy ditë? Ju e patë vetë se zoti Rama, i cili kishte 144 orë afat për të paraqitur, në qoftë se donte 155 ankesa. Por ai dorëzoi vetëm 2 ankesa dhe ato natyrisht i ka me ato vota që ai i quan klandestine (që po të kishte skafe do të shkonte t’i hidhte në mes të detit, por nuk ka, se kemi bërë moratoriumin) dhe jo me votat e qytetarëve që i ka qeverisur 11 vjet, të hedhura të pastra si kristal, të qarta si rrezja e diellit, të të gjitha kategorive, përfshi dhe nivelet më të larta. Pra, pasi paditi këto vota, nuk bëri asnjë padi tjetër. Pardje ai nxori avokatin e tij të ri, Gramoz Ruçin, i cili tha se ka mospërputhje në tabela etj., etj. Por kush të pengoi ty, o zotëri që në 144 orë ti mund të kishe paditur të paktën 2000 kuti votimi dhe tabelat e tyre? Nuk e bëre, por e bëre pasi u mbyllën të gjitha afatet ankimore”, - tha Berisha. Sipas kryeministrit, këto ditë shqiptarët duhet të përgatiten për të tjera akuza ndaj kryetarit të PS-së, por që tanimë do të vijnë nga ana e komisionerëve që u kujdesën për votimin në Tiranë “Sidoqoftë, ata këtë gjë e kanë betejë të brendshme me komisionerët e vet, sepse tani e tutje shqiptarët duhet të jenë të përgatitur të dëgjojnë akuza nga më të ndryshme për komisonerët socialistë se si ata i bënë gjëmën kryetarit të tyre, duke qenë njerëz që kanë punuar me korrektesën më të madhe”,- përfundoi kryeministri
Rritje e rrogave dhe pensioneve
Kryeministri lajmëroi dje tjetër rritje rrogash dhe pensionesh. “Kam kënaqësinë t’ju pohoj juve, t’ju njoftoj juve dhe mbarë shqiptarët se qeveria po përgatit në përputhje me programin e saj paketën e rritjes së rrogave dhe pensioneve. Rritja e rrogave dhe pensioneve ka qenë shtylla më kryesore e qeverisjes së kësaj mazhorance që nga ardhja e saj në pushtet në vitin 2005 dhe do të vazhdojë të mbetet drejtim themelorë i punës së saj për sa kohë shqiptarët ta votojnë.”
Fitore që nga 2005
“Kjo është e vërtet: më 2005, më 2007, më 2009 dhe tani fitorja plebishitare e vitit 2011, fitore e cila është e tëra vlerësim i madh për reformat që kemi bërë, për premtimet që kemi mbajtur, për vizionin që kemi paraqitur, ndaj dhe nuk mund të ketë asnjë devijim nga kjo platformë, që është platforma e besimit më të madh të shqiptarëve. Shpeshherë, edhe në fushata të tjera, unë kisha bërë fjalë se po i rikthehemi 92-shit, por 92-shi u kthye në vitin 2011.”
Fletët e votimit
“Për ta qartësuar, në procesin e numërimit ka tri produkte: vota të vlefshme janë ato që kanë marrë votën e të gjithë komisionerëve dhe vëzhguesve; vota të pavlefshme janë vetëm ato për të cilat janë votuar si të tilla nga të gjithë komisionerët e vëzhguesit; dhe kategoria e tretë janë votat e kundërshtuara, të cilat kanë fituar të drejtën e qytetarisë për t’u rishqyrtuar, për t’u vlerësuar dhe rilexuar në të gjitha instancat e shqyrtimit të ankesave të sistemit.”
Porosi deputetëve
Kryeministri u ka lënë porsi deputetëve: “Qëndrimin tonë do ta shpjegoni kudo. Ne kemi vendosur që çdo votë e kontestuar të rivlerësohet ashtu siç thotë ligji shqiptar, dhe kjo është absolutisht e domosdoshme për funksionimin e këtij sistemi. Cilido që të jetë rezultati që del nga rivlerësimi i tyre, është i mirëpritur. Asnjë ide nuk kemi. Ne jemi themeluesit e partisë së votës së lirë dhe duhet të qëndrojmë pas çdo vote.”
“Gramoz Ruçi kishte 144 orë kohë për të bërë denoncimin, por preferoi heshtjen”
Kryeministri Sali berisha tha dje në mbledhjen e grupit parlamentar se, në rast se PD-ja do të kishte kërkuar pavlefshmërinë e fletëve të votimit të gjetura me kundërfletë, atëherë Edi Rama tani do të ishte rreth 300 apo 400 vota minus në krahasim me kandidatin Lulzim Basha. Sipas kryeministrit, maxhoranca i qëndroi fort parimit të numërimit të çdo vote dhe pavarësisht gabimit administrativ, në këto vota ishte shprehur qartë vullneti i zgjedhësit. “Po të kemi parasysh një element, në rastin e Tiranës, në qoftë se ne do të merreshim edhe me këto vota, kandidati tjetër i Tiranës nuk do të ishte minus 81 vota, por do ishte me minus 300-400 vota. Po ku ishte morali këtu? Në të gjitha këto vota dua t’ju garantoj se qytetarët e Tiranës kishin shprehur qartë vullnetin tyre se për cilin kishin votuar. Pra, nuk kishin të bënin më me kundërshtarin, por kishin të bënin me qëllimin e shprehur qartë nga qytetari i Tiranës për preferencën e tij”,- tha kryeministri. Sipas tij, ky vendim u mor në respekt të mbi 1000 qytetarëve që kishin votuar në këto dy qendra votimi
Pretendimet
Ndërkohë kryeministri nuk la pa përmendur të fjalën e tij dhe pretendimet e socialistëve për numrin e fletëve të votimit të gjetura në kuti, që sipas tyre në disa raste ishte më i madh se numri i zgjedhësve. Kryeministri tha se PS-ja ka pasur 144 orë afat për të bërë animimin përkatës, por çuditërisht kjo hapësirë nuk u shfrytëzua nga ana e kundërshtarëve të tij politikë. “Por çfarë ndodhi këto dy ditë? Ju e patë vetë se zoti Rama, i cili kishte 144 orë afat për të paraqitur, në qoftë se donte 155 ankesa. Por ai dorëzoi vetëm 2 ankesa dhe ato natyrisht i ka me ato vota që ai i quan klandestine (që po të kishte skafe do të shkonte t’i hidhte në mes të detit, por nuk ka, se kemi bërë moratoriumin) dhe jo me votat e qytetarëve që i ka qeverisur 11 vjet, të hedhura të pastra si kristal, të qarta si rrezja e diellit, të të gjitha kategorive, përfshi dhe nivelet më të larta. Pra, pasi paditi këto vota, nuk bëri asnjë padi tjetër. Pardje ai nxori avokatin e tij të ri, Gramoz Ruçin, i cili tha se ka mospërputhje në tabela etj., etj. Por kush të pengoi ty, o zotëri që në 144 orë ti mund të kishe paditur të paktën 2000 kuti votimi dhe tabelat e tyre? Nuk e bëre, por e bëre pasi u mbyllën të gjitha afatet ankimore”, - tha Berisha. Sipas kryeministrit, këto ditë shqiptarët duhet të përgatiten për të tjera akuza ndaj kryetarit të PS-së, por që tanimë do të vijnë nga ana e komisionerëve që u kujdesën për votimin në Tiranë “Sidoqoftë, ata këtë gjë e kanë betejë të brendshme me komisionerët e vet, sepse tani e tutje shqiptarët duhet të jenë të përgatitur të dëgjojnë akuza nga më të ndryshme për komisonerët socialistë se si ata i bënë gjëmën kryetarit të tyre, duke qenë njerëz që kanë punuar me korrektesën më të madhe”,- përfundoi kryeministri
Rritje e rrogave dhe pensioneve
Kryeministri lajmëroi dje tjetër rritje rrogash dhe pensionesh. “Kam kënaqësinë t’ju pohoj juve, t’ju njoftoj juve dhe mbarë shqiptarët se qeveria po përgatit në përputhje me programin e saj paketën e rritjes së rrogave dhe pensioneve. Rritja e rrogave dhe pensioneve ka qenë shtylla më kryesore e qeverisjes së kësaj mazhorance që nga ardhja e saj në pushtet në vitin 2005 dhe do të vazhdojë të mbetet drejtim themelorë i punës së saj për sa kohë shqiptarët ta votojnë.”
Fitore që nga 2005
“Kjo është e vërtet: më 2005, më 2007, më 2009 dhe tani fitorja plebishitare e vitit 2011, fitore e cila është e tëra vlerësim i madh për reformat që kemi bërë, për premtimet që kemi mbajtur, për vizionin që kemi paraqitur, ndaj dhe nuk mund të ketë asnjë devijim nga kjo platformë, që është platforma e besimit më të madh të shqiptarëve. Shpeshherë, edhe në fushata të tjera, unë kisha bërë fjalë se po i rikthehemi 92-shit, por 92-shi u kthye në vitin 2011.”
Fletët e votimit
“Për ta qartësuar, në procesin e numërimit ka tri produkte: vota të vlefshme janë ato që kanë marrë votën e të gjithë komisionerëve dhe vëzhguesve; vota të pavlefshme janë vetëm ato për të cilat janë votuar si të tilla nga të gjithë komisionerët e vëzhguesit; dhe kategoria e tretë janë votat e kundërshtuara, të cilat kanë fituar të drejtën e qytetarisë për t’u rishqyrtuar, për t’u vlerësuar dhe rilexuar në të gjitha instancat e shqyrtimit të ankesave të sistemit.”
Porosi deputetëve
Kryeministri u ka lënë porsi deputetëve: “Qëndrimin tonë do ta shpjegoni kudo. Ne kemi vendosur që çdo votë e kontestuar të rivlerësohet ashtu siç thotë ligji shqiptar, dhe kjo është absolutisht e domosdoshme për funksionimin e këtij sistemi. Cilido që të jetë rezultati që del nga rivlerësimi i tyre, është i mirëpritur. Asnjë ide nuk kemi. Ne jemi themeluesit e partisë së votës së lirë dhe duhet të qëndrojmë pas çdo vote.”