Aksident në Golem, 19-vjeçari përplas për vdekje me makinë 56-vjeçaren

Një 56-vjeçare ka humbur jetën në Golem të Kavajës këtë të diel (26 tetor), si pasojë e një aksidenti. Sipas policisë, aksidenti u regjistrua rreth orës 09:50 në rrugë “Skënderbeu”, ku një 19-vjeçar me inicialet R. F., duke drejtuar automjetin e tij, dyshohet se ka humbur kontrollin si pasojë e lagështirës në rrugë dhe ka aksidentuar 56-vjeçaren, e cila ishte këmbësore.

Fatkeqësisht, 56-vjeçarja nuk mundi t’i mbijetojë plagëve dhe ndërroi jetë në vendngjarje.

Grupi hetimor ndodhet në vendngjarje dhe vijon punën për zbardhjen e plotë të rrethanave të aksidentit.

/rtsh.al/