Aksident në aksin Roskovec–Berat, makina përplas për vdekje 50-vjeçarin

Një aksident tragjik ka ndodhur paraditen e kësaj të hëne (1 dhjetor) pranë fshatit Strum, në aksin rrugor Roskovec–Berat.

Një automjet ka përplasur një shtetas rreth 50 vjeç, i cili po udhëtonte me biçikletë. Për shkak të dëmtimeve të marra, ai ka humbur jetën.

Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për zbardhjen e plotë të shkaqeve dhe rrethanave të këtij aksidenti me pasoja fatale.

Dita e parë e dhjetorit ka nisur me një ngjarje të rëndë, duke rritur edhe një herë thirrjet për më shumë kujdes dhe respektim të rregullave të qarkullimit nga të gjithë përdoruesit e rrugës.

/rtsh.al/