Aksident zinxhir në autostradën Tiranë–Durrës, disa automjete përplasen mes tyre

Një aksident i shumëfishtë është regjistruar pasditen e kësaj të enjteje në Autostrada Tiranë–Durrës, ku disa automjete janë përplasur njëra pas tjetrës në një segment me qarkullim të lartë.

Sipas informacioneve paraprake, aksidenti dyshohet të jetë shkaktuar nga shpejtësia tej normave të lejuara dhe mungesa e distancës së sigurisë mes mjeteve.

Përplasja zinxhir ka sjellë bllokim të përkohshëm të trafikut në këtë aks rrugor, ndërsa drejtuesit e automjeteve nuk kanë mundur të frenojnë në kohë për të shmangur përplasjen.

Fatmirësisht, nga aksidenti raportohen vetëm dëme materiale dhe jo persona të lënduar.

Në vendngjarje kanë mbërritur shërbimet e policisë rrugore, të cilat po punojnë për normalizimin e qarkullimit dhe sqarimin e plotë të rrethanave të aksidentit.